黎耀祥（祥仔）昨日現身會展出席「MyBB親子平台」活動，吸引現場師奶圍觀。祥仔表示最緊要一家人開心、和睦相處：「我屋企開心指數有90分，同囝囝關係都好好！就算做到天王巨星，家人關係唔好，都唔係好事。」並謂14歲的兒子很黐家，更愛跟他去開工，故他感到很自豪，亦不介意兒子被影。問會否擔心兒子拍拖？他說：「唔擔心，拍拖好正常，佢都有同我講鍾意邊個女仔（會性教育？）暫時未需要住，不過將來都唔會避談，依家資訊發達好易接觸到，倒不如自己教。」至於可會教兒子追女秘技，祥仔謙虛指唔叻，幫不了忙。