鍾采羲寸o靚模除底露點核突
「爆E超蓮」鍾采羲（Iris）與林宜芝（Monna）昨日一同為寫真於日本發行進行簽約儀式，但兩人卻收起性感，打扮略嫌密實。問到寫真在香港的銷量，Iris表示實際數字並不清楚，她說：「我唔想講啲數字出嚟，太渲染，不過我知銷量好強勁，老闆娘都好開心。（擔唔擔心寫真喺日本嘅銷量？）都有擔心，不過之前喺日本行過時裝騷，嚟緊都會有騷行。」她謂到時會港、日兩邊走。
而打扮密實的她強調不是封胸，只是適當場合作適當打扮，她說：「有需要時我都會性感，唔會學人做啲污穢核突嘅嘢。（你講邊個？）今年寫真風氣唔係咁好。（你自己都有出寫真。）係，所以我無資格講人，但係唔好將我同嗰啲除底褲、露點嘅比，希望香港市民唔好當我係佢哋一分子。」
