又南摸胸貼面 天佑嫌核突
二人男子組合Shine前晚舉行處男演唱會，操得健碩身材的兩子大騷胸肌及腹肌，成員徐天佑獻唱《失樂園》時，黃又南扮MV中的女主角向天佑上下其手，從後摸胸及面貼面，「基」味甚濃，天佑承認已是極限並說：「都幾核突。」
出道10年的Shine前晚於Star Hall舉行一連三場處男演唱會，吸引惠英紅、黃偉文及又南舊愛杜如風捧場，同期組合Cookies應邀任表演嘉賓，雖然成員傅穎及Serena有事未能出席，但七餅同場仍能掀動全晚高潮。
Shine各自有獨唱部分，天佑唱出《失樂園》時，又南鬼馬扮演ＭＶ中的女角從後緊貼天佑，摸胸貼面，甚至借位扮咀天佑，最後還扭作一團，「基」味濃郁。當兩人獻唱張學友的《頭髮亂了》時，大跳「硬軚舞」，並大騷胸肌及腹肌，引得歌迷o依嘩鬼叫。天佑完騷後對主辦單位老闆指演出過「基」表示：「本來仲基，要我哋除衫跳，講已經頂唔順同極限，都幾核突。」
談父債激動落淚
兩子又在騷上提到低潮期，天佑更特別作一曲《茶餐廳》答謝父親，又南談到當年為父親孭債600多萬時一度淚流滿面，幸好09年已還清債款。如今收入不俗的二人，問到是否有錢溝女？天佑說：「又唔好咁講。（女友喺度？）有嚟。」天佑被問到曾傳緋聞的Cookies成員Miki在場會否尷尬，他扮傻表示已記不起。至於Miki否認好事近及提前解約，她無奈說：「係完約，唔係結婚。」
文：音樂組