梁朝偉心急 啜手指等食
梁朝偉與老婆劉嘉玲向來恩愛，日前偉仔更化身外賣仔前往潮州菜館掃凍蟹餵妻。期間餓極的偉仔等外賣時，眼見美食當前已流口水，見他又啜手指又lamlam脷，為食樣盡出。
梁朝偉連月來頻頻中、港兩邊走拍攝新片，近日偉仔難得不用開工，即留於香港陪伴老婆嘉玲，爭取時間二人世界。而向來愛錫嘉玲的偉仔，日前便做其廿四孝老公，獨自驅車外出購買外賣回家與老婆撐枱腳。
驅車返家
當日傍晚六時許，偉仔戴上鴨舌帽，穿上極有童真的卡通老鼠圖案衞衣，驅車到達上環一間著名的潮州菜館後，即急急腳下車購買外賣。由於當時正值晚飯時間，偉仔點了滷水鵝、凍蟹等食物後，便刻意站於一旁等候。期間狀甚肚餓的偉仔，隔住玻璃望着師傅斬鵝時，已見他為食相盡出，多次啜手指及lamlam脷，大約十分鐘後偉仔等齊外賣，便往櫃枱以信用卡付款，之後他還一臉心急抽着數盒外賣，驅車返家餵妻。
畀女圍拍
此外，偉仔昨日與周迅等人現身北京為新片《聽風者》宣傳，心情大靚的他還被女fans包圍合照。偉仔透露拍攝時因食物中毒嘔吐了7，8次，他笑言：「當日嘔吐後繼續拍攝，周迅拉着我走得很快，就撞到了樹上。（與周迅常以短訊聯絡？）其實我們在練摩斯密碼，怕緋聞就不做這行了。」文、攝：追蹤組