吳卓羲封口不提感情事
「瘋情三俠」吳卓羲、林峯與黃宗澤的感情關係七國咁亂，黃宗澤愁爆離港，林峯患病潛水，吳卓羲心情則未受影響，近日繼續為新劇《戀愛季節》開工。前晚他與翟威廉在電視城停車場拍攝，精神不俗。
對於捲入桃色新聞，吳卓羲稱：「都冇，我OK嘅，不過冇嘢回應，應該講嘅都講晒。依家日日開工，我唔會畀呢啲嘢影響。（舊愛張馨予話要剷走你個英文名Ron嘅紋身？）真係唔回應嘞！呢類傳聞唔需要太在意。」曾與卓羲傳緋聞的徐子珊，對於官恩娜於微博暗示曾受卓羲傷害，子珊謂：「我唔清楚件事，唔方便評論。」而張馨予昨日在微博透露發噩夢，哭得快要窒息。
無綫藝員陳展鵬出席活動時，對於同台小生均搭上內地女星，他說：「窈窕淑女，君子好逑，但我未睇封面。」並稱在內地拍劇時未遇過女士投懷送抱。