猷亨拖「敷mask」正印賭王大讚

賭王何鴻燊近日因咳嗽入院，他與四太梁安琪所出的兒子何猷亨前晚出席自己負責當搞手的晚宴，女友陳可欣（Sabrina）性感撐場。四太踢爆未能現身的賭王大讚對方「敷mask（滿分full marks）」；昨日猷亨又與女友一同探望父親，形影不離！

猷亨拖女友Sabrina晒恩愛，更高調發表愛的宣言，四太梁安琪亦對Sabrina照顧有加。

前晚保良局舉行「The Night of Dreams慈善晚會」，賭王何鴻燊與四太梁安琪的兒子何猷亨擔任籌委主席，四房上下包括母親梁安琪、胞姐超盈、胞弟猷君及胞妹超欣舉家捧場，而女友陳可欣Sabrina也罕有一同現身，父親則因咳嗽入院未能出席。

有指猷亨暗戀同場有份策劃晚會的名媛林李婉冰女兒林嘉寶，猷亨即澄清：「絕對冇咁嘅事，我有女朋友，我最愛係Sabrina，我唔會鍾意第二個女仔。（教兩招追女術？）我細佬（猷君）叻啲！」高調發表愛的宣言，只因女友深得父母寵愛，四太梁安琪說：「何生都好想嚟支持個仔，不過佢呢幾日有啲咳，入醫院休息吓，（佢對Sabrina印象點？）話佢後生又聰明，仲叫佢『敷mask』，即係滿分（full marks），又靚又叻！」Sabrina亦大讚猷亨有風度及孝順，又謂拍拖初期並不知對方的顯赫家族背景。