Celia K.遭台妹夾擊 硬食批（月爭）
動漫節o靚模「胸」湧而出，為博搶鏡陰招盡出，其中郭穎兒（Celia K.）更被兩名「台灣幫」陳維芊（Charmian）及鄭佳甄（Ili）批（月爭），硬將她擠到後排，激得Celia暗寸對方「僭建」。
Celia K.昨與兩名台灣o靚模陳維芊及鄭佳甄現身動漫節，為網絡遊戲宣傳。並排影大合照時，Celia原被安排站在二人中間，豈料Ili一手拖Charmian站前，將Celia「排擠」到後列，Celia幾經辛苦才擠得隙縫「露臉」，Celia大感不是味兒，全場黑臉。
活動完結後當記者要求三女再合照，Celia顯得不情不願，與Ili及Charmian隔開幾個身位互不瞅睬，要記者出言提醒才勉強靠近，場面相當尷尬！當記者問Celia有否遭批（月爭）時，她一面怒火說：「係呀，你哋都睇到？佢哋比較進取，況且都喺同一個地方嚟嘅，梗係齊心啦。佢哋少嚟香港、少上鏡，想爭取吓可以理解嘅。」
Ili牙尖嘴利
至於18歲的Ili則相當牙尖嘴利，否認向Celia批（月爭）之餘，更揶揄對方謂：「她佔了她（Charmian）的位置，所以拉了Charmian前來。可能她不及我們漂亮性感，你們多拍她吧，衣服是大會安排的，就算她穿我們的，也沒有這效果，她的胸部太小了。」
事後記者再致電二人，她們堅稱對Celia沒有敵意，又認為她們的整體知名度高過Celia，或許對方搶不了媒體及粉絲的注意，才不是味兒！對於被指胸小，Celia聞言即回敬對方謂：「我勝在均勻，sell自然嘛，大唔代表靚，放個人形紙板公仔喺度梗係大啦。（你話佢哋僭建？）我冇咁講，只係話自己自然啫。」
文：影視組