張馨予改電話斬纜拒畀羲望
無綫小生吳卓羲（Ron）因誤墮桃色陷阱瘋傳情慾微信，令內地舊愛張馨予大感絕望！據知馨予已決定狠下心腸改電話號碼，免心軟接受Ron箍煲。記者昨走訪馨予北京拍劇現場，發現她情緒已平復不少，對於舊愛被指中伏，馨予大方寄語：「希望他度過風浪。」但其他問題則拒回應。馨予登車離開時，因身穿的牛仔褲太低腰，不慎露出腰後紋身，除有「RON」外，下方尚有「XY」，應是「馨予」的國語拼音縮寫。
另邊廂，Ron昨與徐子珊在大埔露天捱熱拍劇，提到馨予對他失望，他唏噓地說：「我控制唔到佢諗法，但我真係冇同個富家女拍拖！（馨予有新歡？）靚女一向多人追。（佢有嘢留喺你屋企？）應該冇，要睇睇。（復合？）冇諗喇！」對於被指誤墮陷阱，他表示世事無奇不有，但拒回應是否「中招」，亦會繼續玩微信。
Ron又自認對愛的人專一，除了「張小姐」外一直沒有其他女友。