梁烈唯有型神槍手執二攤

無綫藝人梁烈唯（唯唯）於劇集《飛虎》中飾演飛虎隊中眼界甚好的「神槍手」，以前唯唯通常都做一些小混混、懦弱被人欺負的角色，今次接到此角，他笑言如接到監製「厚禮」般，唯唯謂：「本來呢個角色係李璨琛做，不過佢冇期，所以梁家樹（戲劇科高層）搵我，我未知做神槍手之前仲自薦做賊，你知佢哋搵馬德鐘、袁偉豪、王浩信、羅仲謙等個個都係猛男，真係冇諗過我都有份，估唔到『關二哥』呢個廢柴都做到神槍手。」問唯唯拍時會否有困難，他說：「難唔係難，但自己未做過咁型嘅角色，最初都唔係咁有信心，唔相信自己可以做一個型人，拍嗰段時期要不斷催眠自己。」