王秀琳揼千萬開日本餐廳
近日王秀琳（Mango）升呢當老闆娘，她表示早前投資房地產大有斬獲，遂投資七至八位數字，與友人開設日本餐廳跟酒吧。雖然是初哥，但Mango絕對不敢怠慢，她說：「爐端燒個師傅特登喺日本請過嚟，壽司師傅就有成三十幾年經驗，自己成日都會落舖頭，又會試菜，因為食物水準一定要保持！」她表示很多朋友都主動前來捧場，就連早前來港宣傳的新一代女神陳妍希也曾光顧，她說：「嗰次我同班朋友坐喺房，佢就喺出面食，佢真人都好靚女呀！」
Mango自言刻下目標是開設分店，也有計劃到外地如新加坡或廣州開業，不過一切還是初步；那她可是退出娛樂圈？她說：「你一日做過娛樂圈，一世人哋都當你係公眾人物，我都做咗娛樂圈十年，係時候轉變吓！」
