陳偉霆貼身施誘 勝在幼長
陳偉霆（William）穿上貼身褲在時裝騷上現「雄風」，見他有意無意不停以手遮掩「小霆」，流露尷尬神情；而跟舊愛翻撻的吳雨霏（Kary）對大會封她做「蜜運網球王妃」大感吃不消，大呻：「唔好玩我啦！」
William、Kary、日模松岡李那（Linah）及韓模蔡恩真（EJ）昨日出席時裝騷活動，William跟Kary壓軸出場，身穿黑色貼身褲的William，不時用手遮掩「小霆」，一度更拿着大會tee有意無意遮住下體，問及是否因「動L」而遮掩？他一臉尷尬說：「邊有呀，都冇刻意去遮。」會否擔心現形現雄風？他則笑說：「我冇乜睇頭，又長又幼……我隻腳。」他更自嘲心智未成熟，未夠膽行內褲騷。問到是否女友蔡卓妍（Sa）不批准？他回答：「唔關事啦，總之依家唔得住。」
魚網絲襪晒腿
至於Kary，就以熱褲配魚網絲襪出場，大show長腿，最近跟網球王子男友洪立熙復合的Kary，被大會以「蜜運網球王妃」作介紹，她尷尬地說：「我都鍾意睇網球嘅，平時都有睇開，不過唔好咁玩我啦！」雖然男友會教她打網球，但她興趣不大不願郁動，但會陪男友爬山，男友也愛聽她唱歌，她還打趣笑說：「唔好再講我同馬天佑（緋聞男友）啦！不嬲都話唔係佢。（男友呷醋？）我男朋友識晒我啲friendo架！」
松岡腰躉嚇人
日模松岡李那則以一身性感服飾示人，身穿露臍小背心配以透視圖案絲襪打底的她，肥腰及臀肉乍現，令人目瞪口呆。而打扮密實的EJ就大派飛吻給在場人士，展現可愛的一面。
文：音樂組