Kolor靠自己年賺6位數
本地四人樂隊Kolor透露曾試過開音樂騷勁蝕15萬，但仍一直堅持靠自己拒簽公司。經歷低潮後，最終捱出頭，年賺6位數字，並在8月11日在九展開千人演唱會，他們說：「依家社交網絡嘅力量好大，未做宣傳已經賣晒啲飛！」他們說全靠四人相當勤力，要兼固正職之餘，又積極跑Show接Job：「我哋見步行步，要證明畀人睇樂壇未死！」
Kolor現在略有所成，將賺得酬勞回饋樂壇：「我哋嘅Band房免費借畀啲Band仔，嚟緊會幫佢哋出碟！」他們會在年底前開辦音樂學校，訓練更多有志Band友！