HotCha素顏床照誘粉絲獻金
女子組合HotCha成員Crystal與Winkie齊在今年書展推出新作，Crystal繼續寫奇幻愛情小說，加插「床照」增加吸引力；Winkie則首度推出時裝旅遊書大玩天然素顏美，今次兩女各展所長，實行要粉絲「破財」。
HotCha今年暑期除推出新碟外，Crystal有感去年的愛情小說銷量、口碑皆獲好評，故再度添食寫書。她謂：「今次寫書，覺得壓力仲大，因為要寫得好過上年，可能壓力太大，加上同期又好多工作，要做舞台劇、籌備唱片。當我完成所有工作後，可能個人放鬆咗，就立即病咗，成個人都瘦晒。」
忙到胃抽筋
Crystal又呻日前胃抽筋，不能進食，但又需要大量體力綵排無綫大騷，惟有以提神飲料「吊命」。工作完畢返家，她笑言累得連洗澡的體力也沒有：「我覺得自己好似死咗咁！」
Crystal去年小說內加插了多個前衞又性感的造型，問今年性感程度可有放寬？她無奈說：「梗係冇性感相啦！我咁嘅身材，不過都有影床照，但唔係模嗰啲囉！」她又在書上加插了英國旅行時拍的風景照，及邀得插畫家徐羨曾為她執筆畫畫。
赴日搵資料
至於熱愛時裝的Winkie，為了其處女作，專程到日本及崗山拍照及搜集資料。她說：「可以參觀一間從未對外開放過嘅牛仔褲廠，畀我親眼見識到日本人點縫製一條牛仔褲。」雖然她沒有如Crystal般影床照，但亦有穿和服的造型，覺得最大膽是拍了素顏照。她笑謂：「雖然我生晒暗瘡，但個樣都唔算驚人，覺得都幾OKo架！」
文：音樂組
場地：CEO Neway