王祖藍變開心果緬懷童年

祖藍等應「培幼會」之邀，早前到陝西作慈善探訪，由於唐寧及倩怡已為人母，發現當地小朋友在物質及生活條件上的失缺，即變喊包不時落淚。回港後將所見所聞與家人分享，倩怡更揚言稍後要與老公郭晉安「舊地重遊」，望將這些經歷傳予下一代。唐寧則透露祖藍途中遇上車禍，幸而只屬小意外，令她鬆了口氣。

負責帶領遊戲

祖藍此行首次與助養兒童見面，即被對方形容為「遠方的親人」。談起「兒子」，祖藍謂：「佢兩兄弟好知書識禮，我畀糖佢哋食，佢哋話寧願要書。鄉間嘅小朋友無受資訊發達所影響，創意可以無限，佢哋仲教我用泥土整公仔，某程度上佢哋叻過我。」他明白要重視貧村內小朋友的尊嚴，故探訪期間自己盡情化身開心果，負責帶領他們說故事及玩遊戲。

三人分別獲小朋友送贈手繪，令他們愛不釋手！

王祖藍、唐寧及歐倩怡首次作慈善探訪，異口同聲表示有深刻體驗。

後悔掛住打機

祖藍從他們身上緬懷自己的童年，且自爆當年憾事，令自己介懷至今：「我細個嗰時，每年暑假都去圍村同爺爺嫲嫲住，點知有年我好想打機，提前返咗出市區，爺爺就喺我離開咗後過世。如果我留落去，起碼可以同佢出席一個活動，佢其實好想帶我一同出席o架。」他直言當爺爺仙遊後，自己已即時懊悔不已，深感「樹欲靜而風不息」。

文：影視組

攝：沈健程

場地：The Mira Hong Kong

化妝及髮型（歐倩怡）﹕Kathy Fung