馬國明唔識內地佳麗
馬國明與糖兄妹昨日齊為MINI Roadster抵港及全新MINI陳列室開幕慶祝活動擔任嘉賓，當被問到有關吳卓羲情慾短訊外洩的報道，他表示全不知情，他說：「我淨係知佢哋分手咋。（佢係咪好花弗？）我唔覺佢好花弗，可能外表似係，因為靚仔。（佢短訊叫人除衫，佢平日會唔會講有味笑話？）佢冇，我講得多過佢，佢比較cool。」
提到林峯和黃宗澤都情傾內地佳麗，問他可會一樣，他說：「唔知，我未識到內地佳麗。不過我個人比較實際，覺得拍拖好嘥錢。（咁搵個有錢女朋友？）唔會特登因為佢有錢而鍾意佢，咁樣好似食軟飯。」