阿倫論「愛」齋做唔講
譚詠麟（阿倫）和杜麗莎（Teresa）一連九場的《Time After Time演唱會》前晚在紅館開鑼，座無虛席，阿倫好友李克勤亦有撐場。阿倫和Teresa全晚唱盡陳百強、羅文、張國榮、梅艷芳及鄧麗君等作品和多首英文金曲。期間，阿倫發揮其搞笑本色，先取笑戴上玫瑰花頭飾的Teresa像「玫瑰露」，又「整蠱」到來捧場的陳百祥（阿叻），「暗寸」他早前跟王晶發生的罵戰：「原來你坐咗喺度！早知安排王晶坐你隔籬啦！」令台下的阿叻一臉尷尬，惟有以笑遮醜。
台上兩人盡訴心中情，Teresa問阿倫：「有冇向你愛嘅人講I Love You？」見阿倫沒直接回答，Teresa再逼供，阿倫才答：「我有講，我講I……You囉。」引得全場觀眾包括Teresa齊聲爆笑。其後阿倫補充：「呢啲唔係要講，係要做出嚟，我門面同門底工夫都做到足。」
首場出現小失誤
兩人在Encore部分唱出包括Lady GaGa作品在內的一連串快歌，令台下觀眾紛紛站立跳舞，high爆全場。是晚屬首場演出，故期間有不少小失誤，如阿倫甩嘴及Teresa遮擋住他看歌詞等。兩人完騷後表示有錯誤難免，但有信心會愈做愈合拍。
文：音樂組