阿嬌畀錢捱打 醫背喊爆
鍾欣桐（阿嬌）、泳兒、洪卓立（Ken）、組合Closer昨日出席「仁愛堂程思遠世代無肝炎中心」開幕典禮，受背部傷患纏繞多年的阿嬌，之前雖然做過針灸，但成效不大，她透露於3日前接受新療法「拍打」，並除外套展示肩上斑駁的瘀青。
阿嬌扁嘴說：「媽咪搵醫生打我，打咗幾個鐘，我喊到成個豬頭咁，依家係畀錢畀人打我，不過如果可以好番都值得，因為我怕老咗會變風濕！」阿嬌笑言連家裏的傭人見了都心痛，希望趕及下月開工前痊愈；而前晚阿嬌在微博上載拍打後的恐怖瘀痕相，留言：「很多瘀青，真的多得有點誇張，大家見到我的時候不要給嚇倒就好了。」
泳兒要戒凍飲
此外，Closer成員吳浩康知道舊愛莊思敏出書，大方說：「恭喜晒，我一定會買，打畀佢訂定先，希望佢本書大賣同事事順利。」Ken則透露日前到書展撐好友DJ時，見到很多o靚模的宣傳海報於會場內「飄下飄下」，問有否看過寫真？他說：「我鍾意睇字多啲，佢哋啲尺度太勁同有啲過分，書展都係賣書好啲。」將出碟的泳兒表示咳嗽情況已有好轉，但要狠心戒凍飲有難度。
文：音樂組