古Sir批判o靚模：佢哋好過火
「古Sir」古巨基年年都有出席書展活動，最得小學生歡心，無奈書展現成o靚模必爭之地，古Sir不禁直斥不良風氣愈來愈嚴重，揚言應禁o靚模寫真進書展，免敗壞風氣。
歌手古巨基昨日身穿閃燈Tee現身書展，為其兒童書籍《古Sir IQ王》舉行發布會。基仔一出場受到不少大、小朋友熱烈歡迎，更在台上講故事給小朋友聽。他自言工作繁忙也要推出此書，當中的動力是書籍的收入將捐予「古巨基兒童基金會」，亦希望藉此可提高小朋友的讀書風氣，他說：「其實依家時下啲小朋友，10個有8個都鍾意玩手機、打遊戲機！希望我寫呢本書成小朋友嘅讀物，依家嘅科技亦令好多大人倚賴咗。」
籲書展禁賣寫真
繼又透露每年也出席書展活動，見證每年書展的動態，對時下o靚模的寫真集感不滿，說：「依家啲寫真一年比一年過分，好希望呢種風氣可以改善，依家嘅趨勢，比以前更過火！（佢哋都入唔到書展舉行簽名？）係，但仍然出啲寫真，所以亦都希望傳媒都減少報道關於呢種嘅新聞。」
基仔坦言感到事態嚴重，對於這種寫真的尺度表示過火，為極度不雅，問是否不應給她們寫真進書展？他回應：「正確，佢哋大大張poster都係肉、肉、肉，書展應該係大人細路親子樂嘅地方。」
文：名人組