衞蘭拖側田落水 關人矮事
歌手衞蘭（Janice）前晚於九展開騷，密實上陣的她於台上引發笑彈「轉移視線」，先指自己減肥很難，之後又向其個唱音樂總監側田開玩笑，笑言不覺五呎四吋的他矮，令全場爆笑！
衞蘭（Janice）前晚於九展為一連三場《Janice 3000 Day and Night Concert》個唱揭開序幕，除其母親及孖生妹妹衞詩外，歌手薛凱琪和吳國敬等也有捧場，惜老闆黎明（Leon）及老闆娘樂基兒未有現身。先後換上三套歌衫的Janice均密實上陣，她直言減肥屬難事：「我有冇瘦到呢？但即使肥咗你哋都唔介意，係咪？因為減肥好難，以前翻唱Leon嘅歌，依家我就『翻唱』自己嘅歌。」當她與側田合唱時，側田謂：「我唔覺你肥，女仔要有少少肉地先好睇！」Janice竟反擊謂：「我都唔覺你矮！」令五呎四吋的側田始料不及，隨即拉開話題，但全場觀眾已笑聲四起。
望Leon觀賞尾場
騷後訪問時，Janice直言因全場爆滿而感開心，不過相隔一段時間再開騷的她坦言十分緊張，更一度忘詞。提到她取笑側田，可會擔心對方生氣？她說：「我哋係朋友，好兄弟，佢知我開玩笑，唔係認真！」她又稱不會因Leon未能現身而感可惜：「可能佢知我見到佢會緊張，但希望佢最後一晚會嚟睇。」
不知老闆傳婚變
Janice透露最近忙於籌備個唱及新碟，沒時間與Leon見面，亦不清楚Leon與樂基兒傳婚變一事，但不想講太多關於他們的私人生活：「我關心佢，但唔會傳短訊，因為我知佢想我投入工作！」Amusic唱片公司高層王凱文就Leon傳婚變一事回應：「冇聽過，基本上藝人私人嘢唔會透露。（最近見過佢哋？）見過Leon，但樂小姐唔喺香港。」他稱Leon心情依舊，並再強調：「冇聽過呢件事（指婚變）！」
文：音樂組