譚詠麟杜麗莎拖手仔童話揭幕

譚詠麟和Teresa昨晚為一共九場的《譚詠麟 杜麗莎Time After Time演唱會》揭開序幕，李克勤、胡楓、陳百祥、黃杏秀、彭健新等一眾好友都有現身撐場。

演唱會以三面舞台設計成歌劇院，配以一道白色長樓梯，兩人出場時，譚詠麟由校長變「王子」，身穿全白色禮服，而戴上小后冠的Teresa則穿上白色紗裙，他們拖手大唱金曲《一生中最愛》和《假如》，十分浪漫。

舞台設計成歌劇院，別具特色。

校長和杜麗莎下午在紅館外切燒豬，祈求演出順利。

避談欠債風波

鬼馬的譚詠麟在台上跟粉絲打招呼外，更戲言：「第一場嘅飛咁難買你哋都買到？係咪走後門㗎？」而瘦了15磅的Teresa亦十分風騷：「我幫朋友撲飛撲到Fit晒啦！」校長更笑言Teresa是「樂壇女校長」：「其實佢十一歲已經係職業歌手，入行耐過晒我哋，如果我係男校長，佢一定係樂壇女校長。」

而在開騷前兩人出席拜神儀式會見傳媒時，Teresa顯然對近日欠債一事有所避忌，全程只微笑擰頭，在旁的譚詠麟幫口解畫：「如果有咩騷擾都嚟咗啦！我哋報咗案，唔使擔心。」

文：音樂組