王浩信撞歪盆骨醫足3個月
無綫藝人王浩信、袁偉豪和翟威廉外形出眾，兼且擁有弗爆身形，扮演飛虎精英可謂入型入格。不過飛虎多少會遇上危險，王浩信就試過拍攝一場被車追的戲份時受傷，盆骨移位，做足3個月物理治療。
無綫型男王浩信（Vincent）、袁偉豪（Ben）、翟威廉擁有健碩身形，故他們在新劇中扮演飛虎隊成員，並接受一連串的體力訓練，真係少一點韌力也不行！而為求逼真的Vincent，在一場被車追逐的戲中亦不慎把自己弄傷：「場戲要喺地做一個翻滾，然後避開架車，但當我一轉身嘅時候畀一舊睇唔到、好大嘅石頭壓咗落背脊，後來睇醫生先知道盆骨移位，搞到做咗2至3個月嘅物理治療！」
難忘同浴
劇中主角亦不時大騷肌肉，展現男性魅力，問到Ben會否跟同劇男星比較身材，他就笑言：「其實各人有唔同嘅身材，不過當一班男仔走埋一齊，感覺都幾得意！最難忘嘅係每次同啲兄弟有浴室戲，都會喺埋位前做吓掌上壓！哈哈！」
對威廉而言，《飛虎》是他在無綫參演的首套劇集，故對他意義甚大！而他亦坦言拍攝此劇時亦不時挑戰高難度動作，他說：「最記得有一場我哋要由珠寶店爬上去上面假天花潛入另一間房去捉一個人，當晚我同李嘉被編排去做呢個行動，之後等咗6個鐘，再由一樓破板跳落去，所以真係幾難忘！」
文：專案組
袁偉豪服裝：double brother@Double Dog