鋒芝同枱食飯修補裂痕
自「鋒芝」離婚後，有傳張栢芝有意與謝霆鋒復合，昨日更有人在微博表示鋒芝合體傾生意，雖然沒有二人合照，但從各自合照的相中可見場合及合照人物相同，看來鋒芝之間的裂痕未必不能修補。
去年鋒芝婚姻破裂，搞了場大龍鳳，雖然離婚書已簽，但有傳栢芝一直望霆鋒回心轉意，希望重修舊好，好讓一家四口破鏡重圓。有人昨日在微博表示目擊鋒芝一起出席飯局，莫非二人復合有望？
網友「鳳尾竹里的肥蛐蛐」昨日在微博表示，吃飯時碰到霆鋒和栢芝，還繪聲繪影說鋒芝坐在一起，言談甚歡。雖然該網友沒有上載鋒芝的合照，但鋒芝的各自合照中，都出現一個紅衣四眼男，而該名四眼男正是「鳳尾竹里的肥蛐蛐」本人，有人還留言問鋒芝是否一起傾生意？估計鋒芝即使未復合，關係亦非外界想像那麼差！
各有新戲上映
是否傾生意是後話，鋒芝各有各忙則是事實，霆鋒主演的英皇電影《消失的子彈》將於下月14日上畫，片方昨日發布長達１分40秒的預告片，以霆鋒和楊冪的緋聞做賣點作招徠，霆鋒更在片中狂晒神準射擊技術，令人目眩。而栢芝在新片《河東獅吼２》中的軍裝造型亦告曝光，因為《河２》片在高達35度高溫下拍攝，栢芝須穿上厚盔甲騎馬，搞到她大汗疊細汗，慘過焗桑拿。
拉姑有男陪伴
另方面，霆鋒母親狄波拉前晚現身中環shopping，有一名中年男友人陪伴行街，拉姑在平民時裝店揀衫時，男友人從旁畀意見，老友鬼鬼，可是拉姑揀極都不合心意，最終空手而回。
文：專案組