王璐瑤遭龍心狼吻
今年的o靚模寫真過火，竟引來狂迷以身試法。繼o靚模Cammi（謝芷蕙）被非禮後，昨日性感女星王璐瑤（LuLu）在書展亦被「維園霆鋒」龍心錫面，最後龍心被保安制服，不過LuLu決定放過他，未有報警求助。
曾與余文樂爆情慾短訊的LuLu昨日現身書展為寫真集答謝書迷，但她於傍晚六時在微博自爆遇上不幸事件：「今天在書展答謝書迷，點知遇上了恐怖的事情，仍然……驚惶未定。」記者致電其經理人了解，對方表示LuLu在活動結束後，與Naomi（馮鎵瀠）一齊行書展，未料遇上「維園霆鋒」龍心，他更強吻LuLu塊面。
蝕咗底冇報警
LuLu經理人說：「其實龍心喺答謝會時，已經一直跟住LuLu，但現場有保安隔住，所以佢冇亂嚟，後來佢趁LuLu行書展，保安鬆懈咗，就去強吻佢，最後佢都畀保安制服，記低咗佢嘅資料，不過我哋就冇報警，但會保留追究權利。（點解唔報警？）因為LuLu認P:為佢冇惡意。」
另外，LuLu昨日在活動上，獲o靚模好友仙樂都（吳堯堯）與Naomi支持，LuLu直言o靚模出寫真會樹大有枯枝：「佢哋明知尺度太大膽，唔入得書展但都夾硬嚟，破壞規矩。（係咪講許穎？）邊個就唔講喇，書展第一日佢本寫真係放喺我隔籬，但中午已經搬走晒。」
齊齊喪插許穎
另外，澳洲新八模昨日出席寫真見面會時，對於許穎寫真在書展被禁，她們直言應該，又指對方在寫真中打扮似紅燈區女子，直斥形象低俗，影響其他o靚模形象。
文：名人組