阿叻鞠躬道歉狂擦王晶鞋
陳百祥（阿叻）早前與王晶因今屆候選港姐而爆發罵戰，昨日王晶應邀擔任港姐評判選出第四至第九強佳麗。自罵戰後首度同場的二人未有尷尬，阿叻更向王晶鞠躬道歉兼落重鞋油，而王晶則幽默的拿出眼鏡笑說：「我今朝睇醫生話我有輕微白內障！」
王晶早前於微博力踩今屆候選港姐，結果換來老友阿叻指他有白內障，因而爆發罵戰，雖然阿叻早已隔空向王晶道歉，但昨二人自罵戰後首次同場現身，阿叻仍繼續「耍冧」。
過記者一戙
王晶與阿叻昨為港姐擔任評判，選出另外六位佳麗進身決賽，阿叻以「特別嘉賓」及「恩師」介紹王晶，更鞠躬向王晶鄭重道歉，但亦笑言：「我口不擇言同埋成日講錯嘢，不過都係你教嘅！」而王晶聞言則幽默地戴上眼鏡，笑言：「我今（昨）朝去睇醫生，話我有輕微白內障，不過依家醫好咗啦。」曾踩港姐「水平糕」的王晶亦補鑊說：「有好多港姐都係一開始唔得，但喺選嘅過程入面變咗得，希望今屆有好多都係呢種。」
問到阿叻是否由他邀請王晶擔任是次評判時，他即表示：「我邊請得佢郁？係TVB請，我呢啲得罪人多，靠晶哥指導我。」對於王晶表示未有嬲過阿叻，阿叻就笑言：「睇吓人心胸幾闊吖，可能我哋過咗你哋（指記者）一戙，我哋啲戲好，多謝連續畀幾日頭版我哋！」
選最後六強
今屆港姐早前於倫敦選出張名雅、曾明俐及李渼琦三名佳麗直接進入決賽，昨繼續選出第四至九強入圍，而陳潔玲為第四位入圍佳麗，故不用參與昨於「天際100」舉行的問答環節。而最後入選第五至第九強的佳麗分別為朱千雪、林泳淘、岑杏賢、湯洛雯及黃心穎。
文：影視組