莊思敏戥胞妹拍拖開心
與吳浩康甩拖後，莊思敏先後與林忠豪及王大業傳緋聞，又參加富二代船P，但依然未能脫離盛女行列，還被胞妹莊思明爬頭拍拖，對此，莊思敏表示不介意，還戥對方開心：「只要佢開心，我冇所謂。」不過，她直言不知道妹妹拍拖：「佢冇同我講，我唔知幾時發生，因為近日大家各有各忙。（戥佢開心？）如果係咁就好，恭喜佢。（佢新歡同舊愛都屬高大類型。）搵番個差唔多都係正常，因為我妹妹都好高。」談到遊艇派對，莊思敏稱不知道有富二代參加，更直言：「都唔知佢哋係乜水！」
前晚，莊思敏欣賞舞台劇時，透露自己的新書未能趕及在書展推出，對於o靚模許穎（Phoebe）的寫真在書展被禁，她大表贊成：「啲尺度有啲過分，意識上好踩界，教壞細路，係時候打擊佢哋，令佢哋銷量下降，下年就冇人幫佢哋出寫真。」