羅堃尉踩入影圈 擔正等上位
模特兒羅堃尉（Karen）今年推出高檔純影集響頭炮，樣子清純甜美的她已獲不少廣告商青睞，並已落實接拍一套大型商業片，年尾又參與舞台劇演出，工作一浪接一浪，誓要成為頭號矚目新星！
20歲青春模特兒羅堃尉（Karen）來頭絕不嘢少，已有三、四年模特兒經驗的她曾與林峯合作拍廣告，去年贏得《STYLE MODEL HUNT》比賽亞軍，差點成為Angelababy師妹，她說：「比賽後阿Kim（Angelababy經理人）私底下同我講Baby睇完比賽條片之後指名話我OK，想簽我，不過我最後婉拒咗！」簽了另一新公司的她今年推出有別於一般o靚模的「純影集」《in Love》，她飛抵意大利威尼斯及維羅納影相，在當地拍攝時曾遇上6.5級大地震，幸好無受傷。
國際品牌垂青
她在意大利拍攝了六天，穿上多套特別訂製、充滿歐陸氣息的精裝裙穿梭當地鬧市及著名景點，拍出來的照片充滿藝術味道，原來出發到歐洲之前，Karen最遠只到過韓國，她認為威尼斯是個充滿歡樂和人情味的地方：「嗰度嘅人臉上總掛住率真嘅笑容，而我正正鍾意佢哋待人以誠嘅態度，因為我都係一個咁樣嘅人！」據知，她已獲不少國際品牌垂青，亦接了一部大型商業片，擔正做女主角，男主角人選就要保密，看來她已蓄勢待發等發圍！
文：專案組