陳嘉容 大學開talk教着衫

名模陳嘉容(Eunis)昨日到浸會大學舉行時裝演講,完場更被多個聽眾包圍要求合照,成了人肉布景板。她謂擔任講者比當模特兒更大壓力,為此花了3個月時間預備,她說:「做過講者幾次,所有嘢一手一腳搞掂,落咗好多心機。」Eunis表示與聽眾有互動:「有個環節係叫咗着衫錯誤示範嘅現場聽眾上台,好開心,場面好搞笑!」

另外,Eunis表示於11月推出個人相集,並強調不是寫真,她說:「依家狀態好,影輯相留念,今次係為慈善,有藉口畀我影。」問相集中有否以裸體拍照,她說:「有性感相,不過平時行騷可能仲性感。」又謂對o靚模寫真冇興趣。