Cara G.憂心父患前列腺癌
混血索模Cara G.昨日出席活動時，透露父親患上前列腺癌，早前更到澳洲三星期陪伴父親，她表示父親已接受多項治療，現正康復中，Cara說：「Daddy好正面、樂觀，幾好！嚟緊佢會來香港半個月。」
Cara又表示早前在台灣工作兩個月，由於甚擔心父親病情，心神恍惚的她把與男友的古董訂婚戒指遺失，她說：「喺台灣唔見，（Jesper嬲唔嬲？）佢係唔開心，會物色過一隻新嘅戒指。（婚禮有乜嘢構思？）土耳其風，鍾意好多蠟燭，紅、啡、金色，（幾時舉行？）喺明年6月1日舉行婚禮。」她表示婚禮將於泰國舉行，問會否在港擺酒？她說：「會搞個訂婚派對！」
