Toby感激姊妹 原諒陳七
五人女子組合MVG成員Toby因與球星陳肇麒（陳七）拍拖而人氣急升，可惜陳七早前背正印拖重口味o靚模Emily爆房，Toby承認事件令她一度自責怕影響組合形象，幸獲四姊妹力撐，Toby說：「呢啲咪叫患難見真情。」
由五位模特兒Toby、Ivy、Sherry、Jess及Faye組成的MVG正式殺入樂壇，Toby的男友陳七早前被爆帶女「爆房」賠上事業，陳七為贖罪即向正印Toby訂婚，更被本報獨家拍得試婚紗，MVG日前接受本報訪問，Toby承認已原諒男友，並說：「有咩人冇做過錯事。」
因患難見真情
問到其他成員會否覺得姊妹Toby太蠢？成員Ivy說：「愛情冇話蠢唔蠢，只係仲愛唔愛對方。」隊長Sherry說：「愛情係麻木嘅。」四女均表示相識陳七，問到她們Toby靚定「爆房女」Emily靚？四女異口同聲力撐Toby說：「梗係Toby啦，又高又有身材，心地又好。」令Toby感動得眼濕濕說：「呢啲咪叫患難見真情。」
經理人准拍拖
身為MVG經理人的漢洋坦言從不管制旗下女藝人的感情事及私生活，問到有否開解Toby？他說：「陳生（陳七）識開解佢啦，其實拍拖係正常社交，唔覺得有咩特別，我任佢哋拍拖，冇乜理由唔畀人拍拖。」期間，記者要求他與MVG合照，被MVG圍住的漢洋抵死說：「搞到我好似爸爸生咁。」