譚晴獨立發展 包辦宣傳
歌手譚晴因經理人公司合約問題，演藝工作叫停，為繼續圓歌手夢，無謂漫無目的乾等下去，他不惜自資推出最新歌曲《頑童》，一手包辦派台及宣傳工作：「我都停咗一段時間，咪決定自己搞，原來真係唔簡單，好彩有好多朋友幫手，依家我同獨立歌手冇分別。」不過他亦希望與公司轉換合作形式，目前等回覆。
日前譚晴自資拍攝《頑童》MV，找來女子組合MVG成員Toby（劉雅婷）擔任女主角，兩人只見過幾次面，不太相熟，難得Toby收到邀請即一口答應，譚晴大讚她專業：「雖然有啲親密鏡頭，但Toby完全冇忸怩尷尬，幾個take就搞掂，真係要諗吓點報答佢。」