羅鈞滿追樂瞳有feel

無綫藝人樂瞳和羅鈞滿（Moon）上年憑無綫劇扮演壞學生而結緣，不過最近他們又再次碰頭，不過這一次他們並非扮演同學，在劇中樂瞳要被Moon力追！對此，樂瞳坦言感覺搞笑，她說：「因為同佢已經好熟好熟，所以要培養對佢有感覺比較難，有時一望到佢就有『熟到爛』嘅感覺！但喺套劇裏面，佢對我有啲嘢，但我就成日呼喝佢，現實中我梗係唔會咁對佢，所以感覺都幾得意。」

樂做觀音兵

雖然Moon在劇中飾演樂瞳的觀音兵，不過與樂瞳向來friend底的他，坦言二人的友誼更有助演戲，他說：「記得嗰陣拍完《點解阿Sir係阿Sir》我哋就開始熟，有好多人都覺得喺《點》劇嘅學生角色要發展吓！但到咗依家嘅《護花危情》，我覺得就因為我哋咁熟，可以令到合作更有默契同火花！」

樂瞳在戲中扮演黃宗澤和鍾嘉欣的媒人，但現實中她並非愛情專家。

羅鈞滿、樂瞳合作多次，已成好朋友。

撞車變趣事

對Moon而言，能夠與好友在戲中發展感情線已夠難忘，不過要數到拍劇最難忘之事，莫過於他在戲中不慎「撞車」，他苦笑說：「最大嘅趣事係撞到一架唔應該撞到嘅車，因為我對架車嘅性能唔夠熟，我以為可以趕得切煞掣，但架車停唔切，搞到撞咗去個欄度，我當時嘅錯愕反應可以喺劇裏面見到囉！」

文：專案組

攝影：司徒國榮

服裝：Bread n Butter、CUBIC

髮型：Dickson＠Chin G、Joseph Wong＠Osmosis