王馨平性感出書 拒益鄭嘉穎

入行19年的王馨平(Linda)首度擔任才女出書教禮儀,更大晒「久未露面」的事業線展示衣着品味。她笑言不會刻意賣弄性感,已得老公批准惹火造型。由於讀者群是少女,故不考慮送給舊愛鄭嘉穎。

早前再推出唱片的Linda,入行19年第一次做作家推出新書《女孩,妳的禮儀價值千萬》,教港女禮儀、談吐及衣着品味,學習做高貴淑女。Linda指幾年前已構思寫儀態書,適逢去年和書商洽談後一拍即合,即執筆撰寫大作。她謂:「我屋企家教好嚴,唔肯畀啲女粗魯。我請咗港台名媛寫序,佢哋嘅專業意見最有說服力。」問到可會送書給舊愛鄭嘉穎?Linda驚訝地稱:「吓?我本書係女仔書,讀者群係女仔。(咁可能佢有女朋友啱睇呢?)呢個唔識答你。」

老公准惹火

Linda兒時覺得學習儀態是麻煩事,但長大後才得知畢生受用。她謂:「記得有次同朋友食飯,見到個女仔撐大對手臂喺度食飯,影響到其他人食嘢,好失儀!」她感謝各界朋友提供不少意見及協助,更有設計師贊助服裝拍照作真人示範。

問書中可有性感造型?她哈哈笑地說:「都有啲幾性感。(露事業線?)我一向都有,但我唔係賣弄囉。(老公畀唔畀?)佢唔會理我嘅工作,不過佢都有睇過啲衫,覺得冇問題。」為配合宣傳,她將於明日(21日)在書展舉行簽名會。

文:音樂組