宣萱想演壞女人

馬德鐘及宣萱昨日不約而同，以白衫黑褲情侶裝現身荃灣老人中心，為劇集《飛虎》宣傳，與長者大玩遊戲，氣氛熱鬧。對於有網民指出宣萱曾在多套電視劇中被綁架，宣萱笑說：「好開心，諗唔到被綁架咗咁多次，不過被人綁好過着婚紗，每次都有唔同武器同人，好過癮，但婚紗我都着到驚。（幾時真係着？）我唔鍾意咁鋪張，都係靜靜地好。」問可想做綁人角色？宣萱稱想做壞人，隨即作狀綁馬德鐘，馬德鐘即笑她無可信性。至於若有高收視，馬德鐘指或開船P，問宣萱會否穿比堅尼？她即指向同場的茍芸慧並笑謂：「三點式都係交畀啲後生女啦。」