楊秀惠High tea 神秘人找數
藝員楊秀惠、何傲兒等昨日出席無綫「Amazing Summer熱爆fun」記者會，大騷美腿，營造夏日氣氛。今日生日的楊秀惠，自爆昨日出席活動前到酒店獲神秘人請High tea：「有兩位男士寫咗張字條，話覺得我好適合做佢哋公司嘅產品模特兒，係一間大牌子嘅服裝公司，我畀咗經理人電話佢聯絡，最後仲幫我埋咗單。」 問楊秀惠生日，有米新歡可有約她﹖秀惠說：「依家冇拍拖，生日好多朋友都有約我，會一大班朋友過。」
同場的高海寧前晚參加《環遊世界明星賽》，奪得九萬多元獎品獎金，昨日面帶水腫的她笑謂：「可能食得太多貴嘢所以有水腫。」對於與羅天宇傳出緋聞，她斬釘截鐵否認：「我同苟芸慧好Friend，同朋友嘅前度係唔會有機會發展。」