城城恨有B：係天賜福氣
早前傳熊黛林（Lynn）懷孕卻遭男友郭富城着她墮胎，前晚二人分別出席活動，同一口徑回應傳聞，稱絕不會「殺生」，城城更強調BB是上天給他的福氣，若女友懷孕他定會負責任，似乎Lynn大可放心！
早前有網上傳出Lynn懷上「城B」，並趁機向城城逼婚，惜城城卻着她墮胎，雖然Lynn已在微博上急急澄清，更怒斥妖言惑眾，但傳聞仍未止息。前晚城城與王大業、穿上透視裝的陳姿允等出席活動時，他一臉認真地回應有關傳聞：「呢個係網上流傳，我一直保持沉默，網上世界好闊，好多人講完唔負責任，之前Lynn已經喺網上澄清咗，佢用嗰四個字『妖言惑眾』已經代表晒！」城城強調傳聞是假的，令他十分無奈。那是否若Lynn懷孕，他定會負責任？他續說：「如果有BB，係上天賜畀我嘅福氣，點解要做啲咁嘅嘢呢？希望流言適可而止。」如此看來，相信城城已準備隨時當爸爸呢！
樂收林峯金豬券
另邊廂的Lynn與林峯等出席電影《男人如衣服》的煞科宴，Lynn即場獲林峯送了三張金豬券，林峯更意有所指地說：「希望你現實中可以實現，到時（指結婚時）用咗佢！」Lynn即暗喜回應：「承你貴言！」對於被指墮胎一事？Lynn沒好氣地說：「啲人寫嘢愈來愈低能，我冇嬲，但覺得好冤枉，（叫城城呵番？）唔好喇佢咁忙，做嘢先啦，年年都講幾次呢啲嘢，唔通次次嬲咩？」問到若懷孕會否墮胎？她斬釘截鐵地說：「殺生唔做得，呢啲好難得，唔做缺德嘅事，一條生命唔可以話唔要就唔要，了解我嘅人都唔信。」二人口徑如出一轍，那金豬券今年可會用得着？她撒嬌說：「今年冇可能，（頭先又話承你貴言？）我都唔知金豬券係乜。（出年？）一年講咁多次，冇得嫁點算？唔講得咁多次o架
！」
林峯笑言多得拍檔Lynn在戲中穿平底鞋遷就他：「女仔着親高踭鞋都會高過我，不過唔會唔畀佢哋着，（唔畀女友性感？）睇場合，落街買嘢就唔使，冬天性感嚟做乜？」記者暗示其前女友潘霜霜也愛作性感打扮，他即煞有介事地稱不作評論。至於王大業被問到陳山聰為舊愛何超雲紋「愛的紋身」，他即暗寸說：「咁『龍虎』唔適合我，我比較成熟啲！（所以超雲覺得你唔夠愛佢？）因為一個紋身咁膚淺？我諗佢未去到呢個境界。」
文：名人組