JC唔怕狼襲 拳頭侍候
「警鐘胸」名模Jessica C.（JC）身材出眾，加上經常袒胸露臂，故吸引不少狂蜂浪蝶兼龍友埋身，不過她自言精於拳擊，如果有色狼要挑戰她，她絕不會「手」下留情！
前晚Jessica C.、馬德鐘、吳千語等一同出席頒獎禮，其中穿上火辣辣紅色低胸裙的JC，甫到場即衝入廁所「裝身」，一班「龍友」立即尾隨她。事後問她可擔心被陌生人跟蹤？她笑說：「我唔驚，佢哋全部都好面善，同埋我都冇時間擔心咁多，因為我每次出席活動前都要入廁所check清楚有冇走光，而且我識得拳擊，如果有人嘗試挑戰我，我會唔客氣！」
唔鍾意畀人跟蹤
問JC有冇試過畀人跟蹤返屋企？她謂：「我唔鍾意同人有距離，但亦唔鍾意畀人跟蹤；我出街都唔想人認得我，試過搭的士畀司機認出要求合照。」她又謂會阻止瘋狂粉絲的行為。此外，獲得「完美肌膚」獎的她被問到感受？她認為只要心情開朗，皮膚就自然會好。
吳千語抗拒加工
而同場的吳千語就獲得「清新形象」獎，她笑謂自己是一百巴仙天然，並且抗拒後天加工。問到有否興趣拍寫真？她說：「冇諗過，覺得自己冇條件，我喺香港着泳衣都怕醜，所以覺得啲o靚模都幾大膽！」而馬德鐘獲大會頒發健美體態獎，不過他惜肉如金着西裝褸領獎，被記者取笑為何不騷body？他笑言留待電視劇《飛虎》收視好就着泳褲慶功。
文：名人組