周麗淇投奔小齊冇反骨

歌手周麗淇（Niki）自去年回復「自由身」後，一直成為各大公司羅致的目標，而Niki最終轉投近年榮升老闆的任賢齊旗下的娛樂公司，並揚言主力發展大中華市場。

昨日Niki就在老闆小齊、同門師兄蘇永康和鄭嘉嘉的陪同下，出席加盟記者會。對日前有雜誌報道指Niki原來已答應簽約無綫，但轉頭就將唱片和經理人合約一併簽給其他公司，令無綫高層樂易玲震怒，更將她擔正主角，原定八月推出的劇集《女警愛作戰》抽起。對此Niki略帶不悅說︰「激死我啦，根本無咁嘅事。」

同無綫關係冇變

Niki表明跟無綫關係向來好好，而且仍然有部頭約在身。但對於新劇被抽起，她說︰「其實套劇一直都未落實幾時播，未出正式通告。」同時Niki稱跟樂小姐關係沒變，對方本來都打算出席記者會，但因同日無綫有大型活動才未能抽身捧場。

至於老闆小齊則透露近日主力忙於在台灣拍電影，在新戲內要飾演一名同性戀者︰「我要去同性戀酒吧度取經，學人哋嘅言行舉止。」

文︰音樂組