戴庚玲孕裝買奶樽

歌手麥浚龍模特兒舊愛戴庚玲(Janine),前日傍晚6時穿上鬆身長裙及平底涼鞋,身形略為發福,步入位於銅鑼灣的嬰兒用品店,細心地左睇右睇,向來表示喜歡小朋友的她,未幾更已買下一個奶樽及奶粉格,隨即惹來懷孕疑雲。不過,Janine轉身又步入精品店專攻賀卡,看來買BB用品似是賀朋友有喜多過自己榮升做媽媽。Janine揀完禮品再看圖書,其後獨自步行往大坑,會合大批男女朋友,於街邊大牌檔開餐,不時展露燦爛笑容。