容祖兒自認食過「好嘢」
天后容祖兒昨日與導演杜汶澤為電影《DIVA華麗之後》接受電台訪問，阿澤大講有味笑話取笑祖兒：「我懷疑你未食過『好嘢』。」祖兒還擊說：「我想食『好嘢』嘅時候幾時食唔到！」二人隨即忍不住大笑。
主持人又借「忽然有人講好鍾意你」來暗示劉浩龍早前單方宣布與她拍拖一事，祖兒說：「人哋講唔通掩住佢把口咩？（冇默契？）可能好想講啩。我仍然清楚知道自己做緊啲乜。（天后之苦？）都無奈，呢單嘢係一個人同另外一個人，有少少好感想試吓，點知被渲染、醜化，去到尾，都係自己諗係咪試吓另一種簡單生活。」該片將於下月舉行首映禮，祖兒大方表示會邀請何韻詩出席。