朱玲玲 晶剛婚照拒操刀
「最美麗港姐」朱玲玲即將榮升做奶奶，但喜歡攝影的她，似乎不打算為兒子霍啟剛及未來新抱郭晶晶操刀拍攝婚紗照，否則必成為最珍貴的新婚禮物。
朱玲玲接受now TV 102觀星台《Vinci's Code》主持王賢誌專訪，學了攝影十多年的她，即將榮升奶奶，問她會否親自為一對準新人霍啟剛及郭晶晶拍攝婚紗照？朱玲玲說：「我啲囝囝唔係咁鍾意影相，就算影咗都唔會好睇，我哋一齊去family trip嘅時候，佢哋都冇耐性等我，所以我見到好多好好嘅影相時機，我都冇機會影。」間接否認了會為兒子及準新抱操刀拍攝婚紗照的可能。
冇膽做狗仔
朱玲玲又不諱言很多時候，眼中只有攝影，她說：「老師話我每次影相，就連爸爸姓乜都唔記得。其實學攝影令我變得有耐性、心境平靜，由計劃、預備到實際拍攝，之後是揀相、做後期，我好享受成個過程，有好大滿足感。」她續說：「我比較鍾意拍花卉，人物較少，但喺香港好難影，因為好多人都認得我，我老師話叫我扮成狗仔隊去偷影，但係我唔敢！」
文：影視組