趙碩之暗戀 張舒雅舊愛
趙碩之及梁慧恩與老公林忠澤等昨日一同出席補習學校開幕。身材出眾、不乏裙下之臣的趙碩之，甫見傳媒即自爆當年曾暗戀創辦人阿Sir趙永康，她說：「嗰陣佢大我十年，我叫佢做爸爸，（有冇暗地拍拖？）我都想，自己都有啲少女情懷，曾經諗過有冇機會？後來自己出道，心諗都算係個明星仔，可能會有機會，點知佢同咗個港姐張舒雅拍拖！」
對於趙碩之公然示愛，趙Sir表示剛剛才得悉，他還說：「嗰陣當佢係男仔，因為佢好男仔頭o架，（依家翻啅？）我哋好耐冇見，咁啱開幕咪先諗起有冇啲娛樂圈嘅朋友。」
此外，對於近日o靚模推出寫真，惹來不少抨擊？趙碩之以過來人身份說：「我依家演《風之后》舞台劇，都算出咗大海乘風破浪o架喇，希望佢哋成熟少少，唔好為曝光而咁多爭拗，唔係就走唔出個浴缸！」
梁慧恩貪刺激唔造人
同場新婚不久的梁慧恩就大晒幸福，指與老公林忠澤婚後雙雙成了「宅男女」，她說：「我哋都唔願出街，喺屋企打網上遊戲，（有冇造人？）我哋籌備緊去邊度度蜜月，（籌備唔造得人o架咩？）如果有咗就唔可以去啲好激嘅地方！」
文：名人組