黃翠如同陳展鵬拍劇當中獎
陳展鵬、黃翠如昨日出席新劇《心路GPS》造型，飾演導演的陳展鵬與首次於無綫拍劇的黃翠如做一對，黃翠如於首套劇戲份不少，之前她曾指高層曾勵珍表示會給她多過一句對白的角色，她笑言：「好似中咗頭獎咁！」跟着又指住陳展鵬謂：「你就係我頭獎！」
說到陳展鵬現時經常要帶住新人，他謂：「拍《真相》時楊怡佢哋都帶咗我好耐，（你都算係楊怡前輩！）楊怡攞咁多獎，得到觀眾認同。」期間，陳展鵬又打趣的問翠如：「細細個有冇睇我拍戲？」黃翠如好識做謂：「我呢幾年都成日睇你。」黃翠如又透露好友梁嘉琪告訴她拍劇辛苦，她謂：「佢叫我帶睡袋喺廠入面瞓地下！」而陳展鵬一副前輩口脗謂：「當每樣嘢係挑戰時，就唔覺辛苦！」