葉蒨文開騷拖阿Lam落水
葉蒨文（Sally）闊別七年將於九月在紅館開騷，不惜向她最怕的「拉丁舞」挑戰，為台上10分鐘拉丁演出苦練扭腰舞技，只要觀眾喜歡的話，她不抗拒老公和兒子上台「開口撐」。
50歲的Sally穿上白色露背長裙出席演唱會記者會，台上放出煙火效果令Sally嚇一跳，今次是Sally相隔七年在紅館再開個唱。至於老公林子祥（Lam）特別撰字「Intimatelyours」送給Sally，心水清的司儀指7月17日（即今天）是Sally和阿Lam結婚16周年紀念，Sally竟如夢初醒說：「係喎，唔記得咗，仲約咗人打羽毛球，夜晚8點打，咁6點同阿Lam食飯先啦。」
練習多次跌低
至於再踏紅館Sally笑言最特別就是冇特別，但會「搏晒老命」唱歌和跳舞，並向她最怕的「拉丁舞」挑戰，給觀眾享受「Eye Candy」感覺。Sally請教她拉丁舞的兩位俄羅斯老師現身記者會，更即場擺出多個彎腰的拉丁舞姿，難怪Sally抵死說跳拉丁舞扭到腰斷兼頭暈，並自爆香港的舞蹈員不夠力抬起她，只有這兩位俄羅斯老師則夠大力舉起她，而練習時她亦多次跌下來。
順應觀眾要求
至於阿Lam可上台和Sally起舞？Sally笑道：「佢曬吓太陽都暈呀！（合唱呢？）睇觀眾有冇要求，睇阿Lam心情，佢每晚都喺現場睇住啲音響。」講到Alex（林德信）說不讓他上台唱？）Sally中英夾雜說：「Alex？My仔，我冇學佢啲歌喎，都係觀眾決定，開心就得。」說到結婚周年，Sally笑言要問阿Lam可記得，不記得要扣分。
文：音樂組