阿澤爆「龍兒」 片場開心
自上月爆出「龍兒戀」後，樂壇天后容祖兒與劉浩龍的戀情頓成焦點，有指兩人因拍英皇電影《DIVA華麗之後》撻着。祖兒昨日宣傳該片時不願多回答戀情，但阿澤卻若有所指說祖兒拍攝期間很開心。祖兒又表明會出席8月的首映，但會封口避談戀情。
容祖兒與杜汶澤昨日到電台宣傳英皇電影《DIVA華麗之後》，曾有指「龍兒」因拍此電影而撻着，每當提到劉浩龍（師兄）時，祖兒多數交給阿澤回答，甚少發言。
問到為何只有他們二人？阿澤解釋之後仍有宣傳活動，下月8日會於香港舉行首映，問祖兒可會因與男友首度同場而尷尬？她即大耍太極：「畀咁少酬勞。」怎料阿澤反擊：「梗係少，你拍得咁開心！估唔到宣傳焦點咁準確（指龍兒戀），但大家問我，我唔會封口，唔會扮唔知。」祖兒則明言會採取封口政策。
拒回應會否合照
問到阿澤於首映會如何處理「龍兒」首次同場？他說：「正常宣傳，唔會刻意分開或一齊，首映會通知所有人！」至於祖兒表示不會避開師兄，亦不會夾埋師兄缺席首映：「我一定去！（佢去唔去？）我點知人哋嘅事，我冇問佢。（唔介意同場？）做嘢就做嘢。」問到屆時可會合照？她即把問題拋給阿澤：「睇阿澤啦。」阿澤即言：「唔好問我，合照嘅嘢自由發展。」祖兒表示為電影拍得辛苦：「依家講咩都係為宣傳，唔係好想講咁多。」
此外，有讀者爆料指祖兒身邊人借她上位，包括嫲嫲用非常手段擔任葵興邨法團主席？祖兒對此表示：「屋企有喪事，唔講屋企嘢，我宣傳去唔到都唔安樂。」她又指現仍有與嫲嫲聯絡。
文：音樂組