方力申再做無綫奧運主持
方力申（小方）前晚出席謝天華生日會，他笑言跟天華是新相識朋友，所以冇買禮物，只送上心意，而且他自己揸車，故不會飲酒免變醉駕。
另外，無綫力爭倫敦奧運播映權，據知斟洽前「飛魚」小方再做主持增強號召，小方承認：「依家睇緊檔期，自己都有興趣再做主持，上次訪問咗菲比斯（游泳8金牌得主)，今次希望訪問美國籃球夢幻組合，貪新忘舊嘛，哈哈。」不過，如果無綫攞唔到播映權，則要在場外等訪問，小方笑說：「我面皮好薄，大家都係運動員，點拉住人做訪問呀，可能佢哋想爭取時間休息呢，或者約港隊做專訪啦。」