李依琳搣甩七年煙癮
扒女李依琳（Elaine）前日出席活動，向來爛玩愛蒲的她表示現減少喝酒，又興奮公布已戒掉七年煙癮，家人非常高興，她說：「Daddy好開心，佢一向都唔鍾意我食煙，我亦都戒咗飲啤酒。」曾是啤酒迷的她已沒再隊啤，她笑言：「我啲朋友都驚訝問『Elaine發生咩事』！」另外，她表示現忙於幫助爸爸打理生意，但不會放棄拍電影的理想。
而同場的名模Mandy Lieu被問到早前被拍得與大隻仔行街，她笑言：「佢係好姊妹好兄弟，（揀男友要大隻？）唔使，（光頭？）都可以，鍾意就得。以前我啲同學笑我品味差！（你之前嗰個幾靚仔，依家要求高咗？）一切隨緣！」