黎諾懿高攀 自爆身家逾億

黎諾懿入行逾八年，最近終擔正處境劇《愛．回家》，事業稍有起色，感情亦有着落，女人緣不俗的他近日被拍到與07年落選港姐李潔瑩拍拖，前晚他出席活動時大方承認戀情，表示拍拖約一年，已見過對方家長，感情穩定。

已過家長關

李潔瑩選美時曾穿泳衣大晒34C激凸身材，原來她更是富家女一名，在父親投資的美容公司任職總經理，打理十八間纖體美容中心分店，家族身家約五億，有樣又有米，黎諾懿認真識揀！對於女友被指身家逾億元，黎諾懿即笑說：「我都有呀！我覺得唔係太着重錢銀，最緊要我都有能力。我知佢幫屋企人打理生意，但唔知有幾多間舖頭，其實我年紀都唔細，要珍惜身邊人，冇咩大問題都唔轉o架喇！」

黎諾懿與「有財有貌」落選港姐李潔瑩拍拖逾年。	有傳王君馨（中）為李潔瑩（右）積極拉紅線。	李潔瑩（左）身為總經理，新店開張時曾請藝人剪綵。（資料圖片）

問到何時結婚？黎諾懿說暫未有計劃，希望屆時在經濟上完全照顧到對方，仍處於熱戀期？他冧笑說：「幾多年都可以係，最緊要兩個人一齊開心！」他又大讚女友家長好開通、好潮，對方亦給予他正面評價。

提到被指遭前緋聞女友楊怡狠撇，黎諾懿大方說：「其實寫得我負面又話我奀星都唔緊要，唔好傷害女仔就得，我同阿怡一直係好朋友。（驚佢妒忌你咁sweet？）唔會，我哋好熟，有啲嘢唔使刻意講啦。」

文：影視組