鄧紫棋（G.E.M.）昨日到伊館出席電台活動，身為活動藝術大使的她看見大會播放其兒時照片時，不禁感動哽咽。她笑言：「綵排嗰時睇番啲相真係好感動，有我細個學樂器啲相，仲有13歲嗰時同陳奕迅影嘅相，好似睇番自己長大嘅過程咁。」
早前G.E.M.於微博上載了買碟相，被網友發現當中有緋聞男友林宥嘉的唱片，她笑言：「唔知點解會畀人搵到，原先我嘅用意係想騷隻Jason Marz碟，有佢親筆簽名o架！（林宥嘉有買你新碟？）唔知啊，你地畀啲壓力叫佢買囉！」
