霆鋒進軍中菜 漏夜學整鮑

現年31歲的謝霆鋒，身家逾六億，年紀輕輕已是製作公司「PO朝霆」CEO，加上投資有道，現擁有市值2,500萬港元的西半山干德道單位外，自05年開始，先後在中環擺花街買了3個共值1億2,000萬港元的舖位，上月英皇集團主席楊受成更斥億元買舖送贈霆鋒，令他成為擺花街「霸主」。

傾到凌晨

製作公司漸上軌道，霆鋒閒時愛在家中研究烹飪，去年更開始向母親拉姑請教，但多數是西餐。最近有傳霆鋒有意進軍飲食界，向來偏愛西餐的他，近日似乎轉了口味，前晚被發現與助手表哥現身好友車婉婉位於灣仔的車氏粵菜軒，漏夜向老闆娘鑽研煮鮑魚心得。眾人傾至凌晨1時半，一臉滿足的霆鋒與婉婉一同步出，二人仍雞啄唔斷，邊行邊傾，之後更一同登車離開。

霆鋒與婉婉步出中菜館後，一同登車離去。

霆鋒一件運動裝着幾日，難怪被妹妹婷婷嘲笑污糟！

昨日記者致電霆鋒，問到當晚是否向婉婉取經整鮑魚？他表示：「我哋不嬲都有交流烹飪心得，不過我尋日（即前日）只係同王晶食飯，但我哋都有見到面。」平時煮開西餐的霆鋒，被問到是否有意進軍中菜？他說：「我依家都好忙喎！睇定啲先啦！」

各有各做

婉婉亦表示每日都返車氏巡舖，但承認當晚有跟霆鋒打招呼及聊天，當問到霆鋒是否向她偷師煮鮑魚？她說：「大家平時都有交流煮食心得，佢手勢都幾得o架！」提到霆鋒進軍中菜界做競爭對手，婉婉表示不介意：「冇所謂啦！friend嚟o架嘛，如果係真咪各有各做囉！」

文、攝：追蹤組