阿Sa再唱Live 四度深呼吸

阿Sa之前在《2012翡翠歌星紅白鬥》中演出失準走音，前晚她再度上台作現場演唱，與男友陳偉霆錄影不同集數的《勁歌金曲》。阿Sa明顯心情沉重，笑容不多，當她踏入錄影廠時，fans們都為她打氣，不過阿Sa顯得頗為緊張，踏上台後四度深呼吸，獻唱期間阿Sa亦回復狀態，當唱畢歌曲後即深呼吸一下，似乎鬆一口氣。

叫自己唔好驚

阿Sa錄影前表示多日來有很多聲音，當中有人對她好，亦有人想打沉她，她坦言不會輕易被打沉：「唔善意嘅我會過濾吓，（壓力好大？）我已經完全唔想諗呢兩個字。」說到她以前的唱歌老師杜麗莎指她睡不夠、食不飽，公司都有責任時，她謂：「跟佢學唱歌，唔係淨係學技巧，係心理輔導員咁，希望自己可以做得更好，我諗畀啲時間，畀啲心機ok嘅！最唔開心係有記者打去我唱歌老師度。」

阿Sa一曲唱罷，如釋重負。

陳偉霆為免影響女友，沒有入廠打氣。

錄影完阿Sa坦言於台上緊張得一隻手捉住另一隻手，不停叫自己不要驚，問她唱完是否有「過關」感覺？她謂：「唔好咁講，畀啲空間同埋時間我。」此外，提到阿嬌被指着意淫tee誘台灣歌手吳克羣，阿Sa指只是他們有合作。

不會入廠打氣

阿Sa男友陳偉霆錄影前直指阿Sa有壓力，不過為免影響她，不會入廠打氣，他謂：「總之佢今日會唱得好嘅，我有信心，唔好一次就判咗佢死刑。」阿Sa事後得知男友對她有信心，即點頭謂：「唔！」

文：影視組